Amdo Turin

Amdo Turin

Enghraifft o'r canlynol	shroud, crair sy'n gysylltiedig â'r Iesu, crair Cristnogol
Lleoliad	Turin Cathedral, Château de Chambéry, Saint-Hippolyte, Lirey
Perchennog	pab, Tŷ Safwy, Jeanne de Vergy, Geoffroi de Charny
Ffeiliau perthnasol ar Gomin Wicimedia

Amdo wedi'i wneud o lin gyda 'llun' corff dyn (a hwnnw, o bosibl, newydd ei groeshoelio) arno yw Amdo Turin, sy'n cael ei gyfri gan Gatholigion fel crair sanctaidd. Fe'i cedwir yng Nghapel Brenhinol Ioan Fedyddiwr yn Torino, Yr Eidal a chredir gan rai mai hwn oedd yr amdo a roddwyd i lapio corff Iesu Grist yn union wedi iddo gael ei groeshoelio.

Un o'r pethau anghyffredin amdano yw fod llun negatif, du-a-gwyn ohono yn llawer cliriach nag ydyw'r olwg naturiol, positif, lliw sepia. Sylwyd ar hyn yn gyntaf ar 28 Mai 1898 gan y ffotograffydd Secondo Pia a bu bron iddo dorri'r plat ffotograffig gan iddo neidio allan o'i groen.^[1] Ers hynny (ac yn enwedig yn ystod yr ugain mlynedd diwethaf) cafwyd dadlau ynglŷn ag oed yr amdo. Datgelodd ymchwiliadau dyddio carbon yn 1988 gan dri grŵp o wyddonwyr annibynnol i'w gilydd mai oddeutu 1300 y tyfodd y llin y gwnaed yr amdo ohono.^[2] Yn ddiweddar, fodd bynnag, ceisiwyd profi i'r samplau hynny gael eu cymryd o ochr yr amdo - o ddarn oedd wedi cael ei drwsio yn yr Oesoedd Canol.^[3]

1. ↑ "Time Magazine, Ebrill 20, 1998". Archifwyd o'r gwreiddiol ar 2009-04-14. Cyrchwyd 2009-04-15.
2. ↑ 'Dating the Turin Shroud-An Assessment'
3. ↑ BBC: Ffilm ddogfen am yr amdo